ہوشیار ۔ سردیوں میں گیس بہت رلائے گی، شدید ترین قلت کا امکان

اس سال موسم سرما میں گیس کی قلت تاریخ کی بلند ترین سطح پر جانے کا امکان ہے۔

ذرائع کا کہنا ہےکہ مقامی گیس ساڑھے 700 ملین کیوبک فٹ مل رہی ہے اور درآمدی آرایل این جی ایک ہزار ایم سی ایف ڈی کےلگ بھگ ہے۔

موسم تبدیل ہوتے ہی گیس کی طلب بڑھنے لگی ہے، جس کے باعث اس سال گیس کا شارٹ فال بلند ترین سطح پر جانے کا امکان ہے۔

ذرائع نے بتایا کہ اس وقت گیس کی سپلائی1700 ملین اور طلب 2500 ملین کیوبک سے زائد ہے، اگلے مہینےگیس کی طلب میں کئی گنا اضافہ ہوسکتا ہے، جس کے باعث گھریلو صارفین کو صرف کھانےکے 3 اوقات گیس ملے گی جب کہ صنعت اور کمرشل سیکٹر کو بھی گیس سپلائی مشکل ہوگی۔

ذرائع کا کہنا ہے کہ درآمد شدہ ایل این جی بہت مہنگی ہے جس وجہ سے آرڈر کم کردیے گئے ہیں جب کہ تمام صورتحال سے حکومت کو بھی آگاہ کردیا ہے۔