ملک کی کرنسی مارکیٹ میں روپے کی تاریخی بے قدری اور ڈالر کی اونچی اڑان کا سلسلہ جاری ہے۔ رواں کاروباری ہفتے کے پہلے روز امریکی ڈالر 273 روپے کی تاریخی سطح پرپہنچ گیا۔ انٹر بینک میں ڈالر کے مقابلے میں روپےکی قدر میں 7 روپے 03 پیسے کی کمی دیکھی گئی۔ جس کے بعد ایک امریکی ڈالر269 روپے63 پیسے پربند ہوا۔ دوسری جانب اوپن مارکیٹ میں ڈالر کی قیمت فروخت 275 روپے ہے۔
حکومت نے آئی ایم ایف سے معاہدے اور قرض کی بحالی کے لیے گزشتہ ہفتے ڈالر کو مارکیٹ کی طلب کے مطابق کرنے کا اعلان کیا تھا، جس کے بعد سے اب تک انٹربینک میں ڈالر 39 روپے جبکہ اوپن مارکیٹ میں 32 روپے مہنگا ہوچکا ہے۔
