پی ایس ایل کے دوران پاکستان ویمنزلیگ کیلئےآزمائشی میچز کرانے کی منصوبہ بندی

پاکستان سپر لیگ کے آٹھویں ایڈیشن کے دوران پاکستان ویمن لیگ کے لیے آزمائشی میچزکرانے کی منصوبہ بندی کی جارہی ہے۔ ٹیسٹ رن کے طور پر 5 میچز کروائے جا سکتے ہیں جس میں لاہور قلندرز اور کراچی کنگز سمیت 3 فرنچائزز ویمن ٹیمیں بنائیں گی۔ ٹیسٹ رن کے لیے فرنچائزز میچز کے اخراجات برداشت کریں گی۔ 5 ٹیسٹ رن میچزکے تجربے کی روشنی میں اس سال ستمبر، اکتوبر میں پاکستان ویمنز لیگ کرائے جانے کی تجویز دی گئی ہے۔ پاکستان ویمنز لیگ ابتدائی طور پر 4 سے 6 ٹیموں پر مشتمل ہوگی اور ٹیموں کو بھی اوپن بڈنگ کے ذریعے فروخت کیا جائے گا۔