پاک بحریہ کے جہاز پی این ایس ذوالفقار کامتحدہ عرب امارا ت کا دورہ

پاک بحریہ کے جہاز پی این ایس ذوالفقار کی بندرگاہ آمد پر ابوظہبی میں پاکستان کے دفاعی اتاشی اور متحدہ عرب امارات کی بحریہ کے سینئر حکام نے پاک بحریہ کے جہاز کا استقبال کیا۔ بندرگاہ کے دورے کے دوران پی این ایس ذوالفقار کے کمانڈنگ آفیسر کیپٹن طیب ودود انور نے ڈپٹی کمانڈر یو اے ای نیول فورسز اور یو اے ای بحریہ کے دیگر اعلیٰ حکام سے ملاقاتیں کیں۔ پی این ایس ذوالفقار نے یو اے ای میں پاکستان کے یوم آزادی کی ڈائمنڈ جوبلی بھی منائی۔ پی این ایس ذوالفقار پر پرچم کشائی کی تقریب منعقد ہوئی۔ جس میں متحدہ عرب امارات میں پاکستان کے سفیر افضل محمود ، ۔ متحدہ عرب امارات کی بحریہ کے حکام، بزنس کمیونٹی، پاکستانی کمیونٹی، اور دیگر ممالک کے سفارتی حکا م نے بھی شرکت کی ۔ اس موقع پر دونوں ممالک کی بحری افواج نے بحری جہازوں اور عسکری تنصیبات کا دورہ کیا۔ دورے کے اختتام پر پاک بحریہ کے جہاز پی این ایس ذوالفقار اور متحدہ عرب امارات کی بحریہ کے جہاز “صلاحا” کے مابین دو طرفہ بحری مشق کا انعقاد کیا گیا۔