لنکا پریمیئر لیگ میں سری لنکن آل راؤنڈر چمیکا کرونارتنے نے شاندار کیچ پکڑا لیکن جواب میں اپنے 4 دانت تڑوا بیٹھے جس کے بعد انہیں اسپتال منتقل کر دیا گیا. کینڈی فیلکنز کی نمائندگی کرنے والے چمیکا کرونارتنے بیٹر کی جانب سے اونچا شاٹ کھیلنے پر ہوا میں جاتی گیند کو پکڑنے کے لیے بھاگے اور انہوں نے کیچ بھی لے لیا لیکن گیند سیدھا آکر چمیکا کے جبڑے پر لگی جس کے باعث ان کے 4 دانت ٹوٹ گئے۔ غیر ملکی میڈیا کے مطابق اسپتال میں چمیکا کا آپریشن کیا گیا۔
