قطر میں فٹبال ورلڈکپ 2022 کا رنگا رنگ افتتاحی تقریب کے ساتھ آغاز ہوگیا ہے۔ افتتاحی تقریب الخور کے البیت اسٹیڈیم میں ہوئی۔ تقریب میں عربی ثقافت کے رنگ پیش کیےگئے۔ تقریب کے آغاز پر اُونٹ اور فنکار وں نے رقص کیا۔ معروف بالی وڈ اداکار مورگن فری مین نے امید، اتحاد اور برداشت کا پیغام دیا۔ ورلڈ کپ میں شریک ٹیموں کے جھنڈوں کے ساتھ بھی فنکاروں نے پرفارمنس پیش کی۔ ورلڈ کپ فٹ بال کا آفیشل میسکوٹ میدان میں لایا گیا۔ جنوبی کوریا کے مشہور زمانہ میوزک بینڈ، بی ٹی ایس کے سنگر جونگ کوک نے قطر کے معروف فنکار فہد الخوبیسی کے ہمراہ ورلڈ کپ کے آفیشل گانے پر پرفارم کیا۔ تقریب میں رقص اور موسیقی کا بھی اہتمام کیا گیا۔ فرانس کے1998 ورلڈکپ ونر ٹیم کےرکن مارسے ڈیسیلے نے فیفا ٹرافی کی رونمائی کی۔ قطرکے امیر شیخ تمیم بن حماد الثانی نے ورلڈکپ کے باقاعدہ آغاز کا اعلان کیا۔ افتتاحی تقریب میں
سعودی ولی عہد محمد بن سلمان، ترک صدر رجب طیب اردوان، یو اے ای کے نائب صدر ، دبئی کے امیر شیخ محمدبن راشد المکتوم اور مصری صدر عبد الفتاح السيسی سمیت دیگر عالمی رہنما بھی شریک ہوئے۔ تقریب کے آخر میں آتش بازی کا مظاہر ہ بھی کیا گیا۔
