عالمی منڈی میں خام تیل کی قیمتوں میں بڑی کمی

عالمی معیشت میں سست روی کے امکانات کے پیش نظر خام تیل کی قیمتوں میں 4 فیصد تک کمی ہوگئی۔ غیر ملکی خبر رساں ایجنسی کے مطابق چین میں کورونا کے بڑھتے ہوئے کیسز اور عالمی معیشت میں سست روی کے خدشات کی وجہ سے تیل کی قیمتوں میں کمی دیکھی گئی۔ برطانوی خام تیل برینٹ کروڈ آئل کی قیمت 3.53 ڈالر فی بیرل کم ہوکر78.57 ڈالر فی بیرل ہوگئی۔ امریکی خام تیل ویسٹ ٹیکساس انٹرمیڈیٹ کی قیمت 3.37 ڈالر کم ہوکر 73.56 ڈالر فی بیرل پر آگئی۔ عالمی مالیاتی فنڈ کے سربراہ نے خبردار کیا ہے کہ 2023 میں عالمی معیشت کو مشکلات کا سامنا ہوگا کیوں کہ رواں برس عالمی نمو کیلئے اہم سمجھی جانے والی معیشتوں یعنی امریکا ، یورپ اور چین میں معاشی سرگرمیاں سست ہونے کا امکان ہے۔