بالی ووڈ کے بادشاہ اداکار شاہ رخ خان کی نئی فلم ’’پٹھان‘‘ نے تمام تر تنازعات کے باوجود ریلیز سے پہلے ہی 100 کروڑ روپے کمالئے۔ شاہ رخ خان کی فلم ’’پٹھان‘‘ 25 جنوری کو ریلیز ہو رہی ہے۔ کنگ خان تقریباً 4 سال بعد پٹھان کے ساتھ بڑے پردے پر واپسی کر رہے ہیں۔ وہ آخری مرتبہ 2018 میں فلم ’زیرو‘ میں نظر آئے تھے۔ پٹھان کا بجٹ تقریباً 250 کروڑ بھارتی روپے ہے جو کہ پاکستانی کرنسی میں 680 کروڑ روپے بنتے ہیں۔ بھارتی میڈیا رپورٹس کے مطابق فلم ’’پٹھان‘‘ کے او ٹی ٹی رائٹس ریلیز سے قبل ہی تقریباً 100 کروڑ روپے میں فروخت ہو چکے ہیں۔ او ٹی ٹی حقوق ایمیزون پرائم نے خریدے ہیں۔ فلم مارچ کے آخر یا اپریل کے اوائل میں او ٹی ٹی پلیٹ فارم پر ریلیز کی جائے گی۔ اس حساب سے فلم پہلے ہی آدھا بجٹ نکال چکی ہے۔ فلم کی ریلیز میں ابھی ایک مہینہ باقی ہے لیکن اس کے پہلے ہی چرچے ہیں۔ فلم کے گانے بے شرم رنگ پر بھارت بھر میں احتجاج ہورہاہے۔ کئی مقامات پر فلم کو ریلیز نہ ہونے دینے کی دھمکی بھی دی گئی ہے۔
