سعودی عرب میں پہلی بارخواتین تیز رفتار حرمین ایکسپریس چلانے لگیں۔ سعودی عرب ریلویز نے اپنے ٹوئٹر اکاؤنٹ پرویڈیو شیئرکی جس میں خواتین ڈرائیورز کو دکھایا گیا۔ سعودی عرب کی تاریخ میں ایسا پہلی بار ہورہا ہے جب خواتین کو دنیا کی تیز رفتار ٹرینوں میں سے ایک حرمین ایکسپریس چلانے کا اعزاز حاصل ہورہا ہے۔ ویڈیو کے کیپشن میں بتایا گیا کہ 32 سعودی خواتین نے حرمین ایکسپریس چلانے کی تربیت مکمل کی ہے۔
32 قائدة سعودية ينطلقن بأقصى سرعة لتحقيق حلمهن الكبير في قيادة أحد أسرع قطارات العالم ليكنّ بذلك أولى دفعات #قائدات_قطار_الحرمين_السريع . pic.twitter.com/zWGA5DbsuT
— الخطوط الحديدية السعودية | SAR (@SARSaudiRailway) January 1, 2023
خواتین ٹرین آپریٹرز کے مطابق حرمین ایکسپریس چلانا ہمارے لیے فخر کی بات ہے۔ یہ ایک بہت بڑی ذمہ داری ہے جسے ہمارے کاندھوں پر سونپا گیا ہے۔ جو مسافر عمرہ یا حج کی ادائیگی کے لیے آئیں گے، انہیں بحفاظت پہنچانا ہمارا فرض ہوگا۔ حرمین ایکسپریس کو مکہ سے مدینہ اور مدینہ سے مکہ تک چلایا جاتا ہے۔
