سعودی عرب کے ولی عہد محمد بن سلمان نے اسلامی مملکت کی الیکٹرک گاڑیوں کا پہلا برانڈ متعارف کرایا۔
سعودی عرب کے ولی عہد محمد بن سلمان کا کہنا ہے کہ یہ نیا برانڈ ہے جو سعودی عرب کے آٹو موٹیو مینوفیکچرنگ سیکٹر میں اہم حصہ ڈالے گا۔ اس برانڈ کو پبلک انویسمنٹ فنڈ کے تحت لایا جا رہا ہے تاکہ اس شعبے سے منسلک لوگوں کی صلاحیت کو آگے لانے کے ساتھ معاشی ترقی میں اضافہ کیا جاسکے۔
محمد بن سلمان کا کہنا تھا کہ مینو فیکچرنگ کمپنی موسمیاتی تبدیلی کے اثرات سے نمٹنے کے لیے کاربن کے اخراج میں کمی اور پائیداری کو چلانے کے لیے سعودی عرب کی کوششوں میں تعاون کرے گی۔
انہوں نے مزید کہا کہ ہم صرف ایک نیا آٹو موٹیو برانڈ نہیں بنا رہے بلکہ ایک نئی صنعت کاری کر رہے ہیں جو مقامی اور بین الاقوامی سرمایہ کاروں کو راغب کرے گی اور ساتھ ہی روزگار کے موقع بھی فراہم کرے گی۔ غیر ملکی میڈیا کے مطابق یہ گاڑیاں 2025 تک مارکیٹ میں دستیاب ہوں گی۔
