حج و عمرہ کرنیوالے پاکستانی ہی آب زم زم لا سکتے ہیں، سعودی وزارت حج و عمرہ

سعودی وزارت حج نے ایک بار پھر واضح کیا ہے کہ صرف حج اور عمرے کی سعادت کے لیے جانے والے پاکستانی زائرین ہی آب زم زم لا سکتے ہیں۔ سعودی وزارت حج و عمرہ نے پاکستان سے سعودی عرب آپریٹ کرنے والی تمام ائیرلائنوں کو ایک بار پھر ہدایت نامہ جاری کیا ہے۔مراسلے کے مطابق تمام ائیرلائنوں کو پابند کیا گیا ہے کہ وزارت کے فیصلے کے مطابق صرف حج اور عمرے پر جانے والے پاکستانی مسافر ہی آب زم زم اپنے ہمراہ پاکستان لا سکتے ہیں۔ اس کے علاوہ وزٹ ویزا، بزنس ویزا اور نوکری پیشہ افراد اپنے ہمراہ آب زم زم ساتھ نہیں لا سکتے۔