ترکیہ اور شام میں زلزلے سے 600 سے زائد افراد جاں بحق جبکہ سیکڑوں زخمی ہوگئے۔ غیر ملکی خبر ایجنسی کے مطابق پیر کی صبح ترکیہ کے مشرقی علاقے میں زلزلہ مقامی وقت کے مطابق صبح 4 بج کر 17 منٹ پرآیا۔ امریکی زلزلہ پیما مرکز کے مطابق زلزلے کی شدت ریکٹر اسکیل پر 7.9 ریکارڈ کی گئی۔ زلزلے کا مرکز ترکیہ کا سرحدی شہر کرامن مراس تھا اور اس کی گہرائی تقریباً 14 کلومیٹر تھی۔
زلزلہ اس قدر شدید تھا کہ اس کے اثرات لبنان، اسرائیل، قبرص، یونان اور آرمینیا میں بھی محسوس کئے گئے لیکن سب سے زیادہ جانی اور مالی نقصان ترکیہ اور شام میں ہوا۔
ترکیہ کی ڈیزاسٹر مینیجمنٹ ایجنسی نے ملک کے 7 صوبوں میں عمارتیں گرنے کے واقعات میں 284 افراد کی ہلاکت اور 440 کے زخمی ہونے کی تصدیق کردی۔ اس کے علاوہ عمارتوں کے ملبے میں بھی سیکڑوں افراد دبے ہوئے ہیں جنہیں نکالنے کے لئے امدادی سرگرمیاں جاری ہیں۔ ترک صدر رجب طیب اردون میں ملک میں ہولناک زلزلے کے بعد ایمرجنسی کا اعلان کردیا۔
زلزلے نے شام میں بھی شدید تباہی مچائی ہے جہاں صوبہ الیپو، لطاکیہ، حما اور ترتُس میں عمارتین گرنے سے اب تک 237 افراد ہلاک جبکہ 600 سے زائد زخمی ہیں۔
دوسری جانب متاثرہ علاقے میں آفٹر شاکس کا سلسلہ بھی جاری ہے۔ جن میں سے ایک کی شدت تو 6.7 بھی ریکارڈ کی گئی ہے۔
صدرپاکستان ڈاکٹرعارف علوی اوروزیراعظم شہباز شریف نے ترکیہ اورشام میں زلزلے سے قیمتی جانوں کے ضیاع پررنج
وغم کا اظہار کیا ہے۔ شہبازشریف نے بیان میں کہا کہ دکھ کی گھڑی میں پاکستانی عوام اورمیری ہمدردیاں ترکیہ اورشام کے ساتھ ہیں۔
