وزارت صحت کے ترجمان محمد سہرل کے مطابق حکام نے 18 اکتوبر تک 206 کیسز نشاندہی کی ہے جن میں 99 اموات ریکارڈ کی گئیں۔ ماہرین کی ایک ٹیم ان کیسز میں اضافے کی تحقیقات کر رہی ہے۔گیمبیا کی حکومت بخار کے علاج کے لیے استعمال ہونے والے پیراسیٹامول سیرپ سے منسلک اے کے آئی سے 70 بچوں کی موت کی تحقیقات کر رہی ہے، جس میں ڈائیتھیلین گلائکول اور ایتھیلین گلائکول کی زیادہ مقدار موجود تھی۔
انڈونیشیا کی نیشنل ایجنسی فار فوڈ اینڈ ڈرگ کنٹرول کے عہدیداروں نے کہا ہے کہ یہ مصنوعات مقامی طور پر دستیاب نہیں تھیں اور ان میں شامل اجزاء پر اب ملک میں فروخت ہونے والے بچوں کے تمام ادویاتی شربتوں پر پابندی عائد کر دی گئی ہے۔
وزارت صحت نے احتیاطی طور پر تمام ہیلتھ ورکرز سے کہا ہے کہ وہ تحقیق اور تفتیش مکمل ہونے تک کوئی مائع یا شربت والی دوائی تجویز کرنا یا فراہم کرنا عارضی طور پر بند کر دیں۔ انڈونیشیا نے بچوں میں AKI کے بڑھتےہوئے کیسز کا جائزہ لینے کے لیے ایک ماہر ٹیم تشکیل دی ہے جس میں صحت اور اطفال کے مقامی حکام اور ڈبلیو ایچ او کے نمائندے شامل ہیں۔ گیمبیا میں کیسز کی تحقیقات کرنے والے ڈبلیو ایچ او کے ماہرین سے مشاورت بھی کی جا رہی ہے۔
