پاکستان نے آئی ایم ایف کے پروگرام کی بحالی کے لیے ایک اور کوشش کی ہے۔ وزارت خزانہ کے ذرائع کے مطابق آئی ایم ایف کے پروگرام کی بحالی کی غرض سے عالمی سیاسی رابطوں کے لیے وزارت خارجہ سے کردار ادا کرنے کی درخواست کی گئی ہے۔ پاکستان کا مؤقف ہے کہ آئی ایم ایف سیلاب اور دیگر وجوہات پر معاہدے کی شرائط پر نظرثانی کرے۔ عالمی سطح پر مہنگائی اورمعاشی بحران کے باعث مزید سخت فیصلے نہیں کرسکتے۔ پاکستان نئے ٹیکس لگائے بغیرآمدن بڑھاسکتا ہے اور سال کے آخرتک کرنٹ اکاؤنٹ خسارہ کم کرلےگا۔ فیڈرل بورڈ آف ریونیو نے بھی ٹیکس چوروں سے ریکوریز بہتر بنانے کا پلان پیش کیا ہے جس کے تحت پاکستان ٹیکس وصولی بہتر کرکے مقررکردہ 7100 ارب روپے کا ہدف پورا کرے گا۔
