نیوزی لینڈ کے خلاف ٹیسٹ سیریز کے لیے پاکستانی اسکواڈ کا اعلان آج کیے جانے کا امکان ہے۔ انگلینڈ کیخلاف ٹیسٹ سیریز میں عبرت ناک شکست کے بعد ٹیسٹ اسکواڈ میں ردو بدل متوقع ہے۔ اسکواڈ کو حتمی شکل دینے کے لیے مشاورت کا سلسلہ جاری ہے۔ فاسٹ بولرز کی فٹنس رپورٹس کے جائزے کے بعد اسکواڈ کا اعلان کیا جائے گا۔ پاکستان کے ٹیسٹ اسکواڈ میں شامل کھلاڑی 23 دسمبر کو کراچی میں اکٹھے ہوں گے۔ نیوزی لینڈ ٹیسٹ اسکواڈ جمعرات کی صبح کراچی پہنچےگا۔ پاکستان اور نیوزی لینڈ کے درمیان پہلا ٹیسٹ 26 دسمبر سے کراچی میں شروع ہو گا۔
