افغانستان میں خواتین کی اعلیٰ تعلیم پر پابندی لگاتے ہوئے افغان وزارت اعلیٰ تعلیم نے خواتین کی اعلیٰ تعلیم معطلی کا حکم نامہ جاری کر دیا۔
افغان میڈیا رپورٹس کے مطابق افغان وزارت اعلیٰ تعلیم سے جاری لیٹر میں تمام نجی اور سرکاری جامعات کو تاحکم ثانی خواتین کی تعلیم معطل کرنے کا حکم دیا گیا ہے۔
افغانستان میں طالبان نے لڑکیوں کی ثانوی تعلیم پر بھی پابندی لگائی ہوئی ہے، اگست 2021 میں افغانستان پر کنٹرول حاصل کرنے کے بعد طالبان نے صرف پرائمری جماعت تک لڑکیوں کو اسکول جانے کی اجازت دی تھی۔
اس سے قبل جامعات میں خواتین کی علیحدہ کلاسز ہونے کی شرط پر خواتین کو اعلیٰ تعلیم جاری رکھنے کی اجازت دی گئی تھی۔
واضح رہے کہ بین الاقوامی برادری خواتین کی تعلیم کے سلسلے میں طالبان حکومت کے اقدامات پر پہلے ہی شدید تحفظات کا اظہار کر چکی ہے۔
دوسری جانب امریکا اور برطانیہ نے افغانستان میں خواتین کی اعلیٰ تعلیم پر پابندی کی مذمت کی ہے۔
The Ministry of Higher Education in a letter has ordered the suspension of higher education for female students in Afghanistan until the next announcement.#TOLOnews pic.twitter.com/tDXD8m4gFH
— TOLOnews (@TOLOnews) December 20, 2022
