ٹیسٹ میچزمیں تجربہ کارکھلاڑیوں کی ضرورت ہوتی ہے، ہمارے پاس نئی ٹیم تھی، بابراعظم

قومی کرکٹ ٹیم کے کپتان بابراعظم نے انگلنیڈ کیخلاف ٹیسٹ سیریزمیں 0-3 سے شکست کومایوس کن قراردے دیا۔ کراچی ٹیسٹ کے اختتام پرپریس کانفرنس کرتے ہوئے بابرنے کہا کہ پہلی اننگز میں جلد وکٹیں گرنے سے میچ ہاتھ سے نکل گیا۔ ہمارے بولرز نے اچھی بولنگ کی اور فائٹ بیک کیا۔ انہوں نے کہا کہ اس سیریزمیں3،4 ڈیبیو ہوئے جب کہ ٹیسٹ میچز میں تجربہ کار کھلاڑیوں کی ضرورت ہوتی ہےکیونکہ نئے کھلاڑیوں کو وقت دینا پڑتا ہے۔ بابراعظم کا کہنا تھا کہ پہلے 2 میچز ہمارے ہاتھ میں تھے۔ جیت جاتے تو صورتحال مختلف ہوتی۔ انگلینڈ کے خلاف سیریزمیں کافی مشکلات ہوئیں، اب پلاننگ کریں گے کہ اپنے بہترین فاسٹ بولنگ یونٹ کو آزمائیں۔ ابراراحمد نے انگلینڈ کے لیے مشکلات پیدا کیں۔ ٹیسٹ میچز میں ایسے بولرچاہیے ہوتے ہیں جو وکٹیں لیں۔ سرفراز احمد اور فواد عالم کو نہ کھلانے کے سوال پر قومی کپتان نے کہا کہ انگلینڈ کے خلاف سیریز اہم تھی اس لیے رضوان جو کہ مسلسل کھیلتے ہوئے آرہے تھے اس لیے ہمارا پلان تھا کہ جو فارم میں ہیں اور کھیلتے ہوئے آرہے ہیں انہیں کھلایا جائے۔ اب بیٹھیں گے اور ڈسکشن کریں گے اور جو بہتر ہوگا وہ کریں گے۔ ، نیوزی لینڈ کیخلاف سیریزمیں غلطیوں پر قابو پانے کی کوشش کریں گے۔