وزیر اعظم شہباز شریف کی جانب سے پاکستان اور انگلینڈ کی کرکٹ ٹیموں کے اعزاز میں تقریب کا انعقاد کیا گیا۔ وزیراعظم ہاؤس میں ہونے والی تقریب میں وفاقی وزرا، سفارتکاروں، چیئرمین پی سی بی سمیت دونوں ٹیموں کے کھلاڑیوں نے شرکت کی۔ وزیراعظم نےاپنے خطاب میں انگلینڈ کو پہلے ٹیسٹ میں کامیابی پر مبارکباد دی اور امید ظاہر کی کہ پاکستان دوسرا ٹیسٹ جیتے گا۔ وزیر اعظم نے مزید کہا کہ بڑی قربانیوں کے بعد پاکستان میں امن قائم ہوا۔ دہشت گردی کیخلاف جنگ میں پاکستانی فورسز اور عوام نے بڑی قربانیاں دی ہیں۔ 17 سال بعد انگلش ٹیم نے پاکستان میں کرکٹ کھیلی.
وزیراعظم نے سیلاب متاثرین کی امداد پر انگلش کپتان بین اسٹوکس کا شکریہ بھی ادا کیا۔ چیئرمین پی سی بی رمیز راجا نے کہا کہ انگلینڈ ٹیم کی اپروچ برینڈن میک کولم کے آنے سے تبدیل ہوئی، انگلش ٹیم کی جیت کا کریڈٹ کوچ کو جاتا ہے۔ چئرمین نے کہا کہ پاکستانی ٹیم ملتان میں انگلینڈ کا بھرپور مقابلہ کرے گی۔ ملتان میں ایک نئی کرکٹ نظر آئے گی۔
