ٹی ٹوئنٹی ورلڈ کپ میں اپنا پانچواں اورآخری پول میچ کھیلنے کیلئے قومی کرکٹ اسکواڈ بذریعہ ہوائی جہاز سڈنی سے ایڈیلیڈ پہنچ گیا۔ ایڈیلیڈ روانگی کے موقع پرکپتان بابراعظم سمیت کھلاڑیوں نے فینزکےساتھ تصاویربنوائیں۔ کھلاڑی آج ہوٹل میں آرام کریں گے، ہفتے کو ایڈیلیڈ اوول میں ٹریننگ سیشن ہوگا۔ قومی ٹیم اپنے آخری پول میچ میں اتوار کوبنگلا دیش کے مدمقابل آئے گی۔ چوتھے میچ میں جنوبی افریقا کیخلاف فتح کی بدولت پاکستان کی سیمی فائنل تک رسائی کی امیدیں برقرارہیں۔
