سوشل میڈیا مواد کنٹرول کرنے کے لیے نئی ترامیم کا فیصلہ

میڈیا رپورٹس کے مطابق حکومت قابل اعتراض مواد کی بنیاد پر کارروائی کا اختیار ایف آئی اے کو سونپ رہی ہے اور اس میں جو ترامیم تجویز کی گئی ہیں اس کے مطابق تعزیرات پاکستان کی دفعہ 505 ایف آئی اے ایکٹ میں شامل کی جارہی ہے۔
جس کے تحت ایف آئی اے سوشل میڈیا مواد پر کسی بھی صارف کے خلاف کارروائی کرسکے گی اور صارف کو 7 سال قید کی سزا بھی دی جاسکے گی۔
وفاقی کابینہ نے سرکولیشن کےذریعے ایف آئی اے ایکٹ میں مزید ترامیم کی منظوری دے دی ہے جب کہ ایف آئی اے ایکٹ میں ترمیم کی حتمی منظوری پارلیمنٹ سے لی جائے گی جس کے بعد ایف آئی اے سوشل میڈیا پرنفرت آمیز مواد پر کارروائی کرسکے گی۔