انڈونیشیا نے جو دنیا کا چوتھا سب سے زیادہ آبادی والا ملک ہے ، درآمدی ویکسین پر انحصار کم کرنے میں مدد کے لیے جمعرات کو ملک کا پہلا کووڈ ۱۹ شاٹ لانچ کیا۔
صدر جوکو وِڈوڈو نے ویکسین برانڈ “انڈو ویک” کا اعلان انڈونیشیا کی فارماسیوٹیکل انڈسٹری کے ایک نئے سنگِ میل کے طور پر کیا۔ جو بچوں کے لیے بنیادی سیریز کی ویکسین، بوسٹر ویکسینز اور ویکسین تیار کرے گی۔ یہ ویکسین نومبر 2021 سے ترقی کے مراحل میں ہیں۔
ویڈوڈو نے مغربی جاوا کے بانڈونگ شہر میں ایک نقاب کشائی کی تقریب میں کہا، “اب سے، ہم خود اپنی کووڈ ۱۹ ویکسین تیار کر سکتے ہیں۔ اور اس طرح ہمیں ویکسین کے معاملات میں آزادی حاصل ہے۔”
تقریب کے دوران، 15 رہائشیوں کو جنہوں نے کوئی ویکسین نہیں لگائی تھی، انڈو ویک کی پہلی ویکسین لگائی گئی۔ انڈونیشیا کی فوڈ اینڈ ڈرگ اتھارٹی نے ستمبر میں انڈو ویک کے ہنگامی استعمال کی اجازت کو گرین لائٹ کیا، جس کی افادیت دو شاٹس کے بعد 80 فیصد سے زیادہ تھی۔ اس ویکسین نے ملک کے اعلیٰ ترین اسلامی ادارے کے ذریعہ ایک آڈٹ پاس کیا کہ یہ شاٹ مسلمانوں کے استعمال کے لیے موزوں ہے – جو دنیا کی سب سے زیادہ آبادی والی مسلم قوم میں خاص طور پر ایک اہم عنصر ہے۔
