غزہ میں اسرائیلی بمباری، آخری یونیورسٹی بھی ملبے کا ڈھیر بن گئی

غیر ملکی خبر رساں ادارے کے مطابق  17 جنوری کو اسرائیلی بمباری سے غزہ میں بچنے والی آخری یونیورسٹی بھی تباہ ہوگئی۔ اسرائیلی بمباری نے غزہ کے 80 فیصد سے زائد اسکولوں کو ملبے کا ڈھیر بنادیا۔ رفح میں اسرائیلی فوج کے پے درپے حملوں سے کوئی علاقہ بھی محفوظ نہیں رہا۔

غیر ملکی خبر رساں ادارے کے مطابق اسرائیلی فوج نے رفح کے گنجان آباد علاقوں میں حملے تیز کردیے ہیں اور اسی دوران پیش قدمی کرتے ہوئے ٹینک رہائشی عمارتوں پر گولہ باری کرتے رہے۔

اسرائیل نے غزہ پربمباری کرکے مزید 60 فلسطینیوں کو شہید کردیا ہے جبکہ جبالیہ پناہ گزیں کیمپ میں ملبے سے 20 بچوں سمیت 70 افراد کی لاشیں برآمد ہوئی ہیں۔