الیکشن کمیشن نے اعلان کیا ہے کہ کراچی اورحیدرآباد میں بلدیاتی انتخابات 15 جنوری کوہی ہوں گے۔ الیکشن کمیشن نے کراچی اورحیدرآباد میں بلدیاتی الیکشن کے حوالے سے ایم کیو ایم کی درخواست مسترد کردی۔ چیف الیکشن کمشنر سکندر سلطان کی سربراہی میں تین رکنی بینچ نے فیصلہ سنایا جس میں الیکشن کمیشن نے جماعت اسلامی کی درخواست منظور کرلی۔ ایم کیوایم کا مؤقف تھا کہ الیکشن میں دوہری ووٹر فہرستیں استعمال ہورہی ہیں اس لیے بلدیاتی الیکشن نئی ووٹر لسٹ پرکرائے جائیں۔ الیکشن کمیشن نے کہا کہ کراچی اور حیدرآباد میں بلدیاتی انتخابات کا 15 جنوری کو انعقاد یقنیی بنایا جائے۔
