کراچی میں سال نو کے موقع پر پولیس کی جانب سے سی ویو ساحل کھلا رکھنےکا اعلان کیا گیا ہے۔ سینیئر سپرنٹنڈنٹ پولیس ساؤتھ اسد علی رضا نے شہریوں کو خوشخبری سنائی ہےکہ نئے سال کی آمد پر سی ویو کھلا رہےگا۔ شہری اپنے من پسند تفریحی مقام پرآکر نئے سال کا جشن مناسکتے ہیں۔ ایس ایس پی ساؤتھ کے مطابق نیو ایئر نائٹ پر سکیورٹی کے غیر معمولی اقدامات کیے جا رہے ہیں۔ ڈھائی ہزار سے زائد پولیس کے جوان سی ویو اور اطراف میں سیکیورٹی کے فرائض انجام دیں گے۔ شہری قانون کے دائرے میں رہتے ہوئے نئے سال کاجشن منائیں، لیکن ہلڑ بازی کی اجازت نہیں ہوگی۔ ہوائی فائرنگ کرنے والوں کے خلاف سخت ایکشن ہوگا۔ اقدام قتل کا مقدمہ درج کیا جائے گا۔ ون ویلنگ اور خطرناک انداز میں ڈرائیونگ کرنے کی اجازت بھی نہیں ہوگی۔ شہریوں کے تحفظ کے لیے ساحل پر ماؤنٹڈ پولیس اور سڑکوں پر شاہین فورس کے جوان تعینات ہوں گے۔ 150 لیڈی کانسٹیبلز بھی نیو ایئر نائٹ پر سکیورٹی کے فرائض انجام دیں گی۔
