پاکستان نیوزی لینڈ دوسرے ٹیسٹ سے متعلق بڑا فیصلہ

پاکستان کرکٹ بورڈ نے پاکستان اور نیوزی لینڈ کے درمیان کراچی میں دوسرے ٹیسٹ کے دوران شائقین کیلئے انٹری فری کرنے کا فیصلہ کیا ہے۔ پہلے ٹیسٹ کے دوران نیشنل اسٹیڈیم کراچی میں شائقین کا ٹرن آؤٹ بہت کم رہا جس کے باعث انتظامیہ کو اسٹینڈز کو بھرنے کے لیے فوری اقدامات کرنا پڑے۔ پی سی بی نے تعلیمی اداروں، یتیم خانوں اور اولڈ ہومز سے رابطہ کرکے انہیں دوسرا ٹیسٹ دیکھنے کی دعوت دی ہے۔ اسٹیڈیم نہ بھرنے پرکراچی کو ہمیشہ تنقید کا سامنا کرنا پڑتا ہے۔ اکثر، پی سی بی اسکول کے بچوں کو اسٹینڈز بھرنے کے لیے مدعو کرتا ہے۔ اس سال کے شروع میں کراچی میں انگلینڈ کے خلاف ٹی ٹوئنٹی سیریز کے میچزکے دوران بھی پی سی بی نے اسکول کے بچوں کو میچ دیکھنے کی دعوت دی تھی۔