متحدہ عرب امارات میں پیٹرول کی قیمت 11 ماہ کی کم ترین سطح پرآگئی۔ غیر ملکی میڈیا کے مطابق متحدہ عرب امارات میں گزشتہ سال دسمبر میں آئندہ ماہ کے لیے پیٹرولیم مصنوعات کی نئی قیمتوں کا اعلان کیا گیا تھا۔ جس میں سپر 98 پیٹرول 3.30 درہم فی لیٹر سے 2.78 درہم فی لیٹر کردیا گیا۔ جبکہ سپر 95 پیٹرول کی قیمت بھی 3.18 درہم سے 2.67 درہم فی لیٹر پرآگئی۔ متحدہ عرب امارات میں حکومت نے اگست 2015 میں پیٹرول کی قیمتوں کو ڈی ریگولیٹ کیا تھا اور اسے تیل کی عالمی قیمتوں کے ساتھ جوڑ دیا تھا جس کے بعد ماہانہ بنیادوں پر تیل کی قیمتوں کا تعین کرنے کے لیے ایک کمیٹی تشکیل دی گئی تھی۔ خلیجی میڈیا کے مطابق یو اے ای میں تیل کی قیمتیں کم ہونے پر شہریوں اور سیاحوں کے دور درازعلاقوں میں سیروتفریح میں اضافہ دیکھا جارہا ہے۔
