ملک کی کرنسی مارکیٹوں میں روپے کی تاریخی بے قدری کا سلسلہ جاری ہے۔ ڈالر نےتاریخ کی بلندترین سطح پر پہنچنے کا نیا ریکارڈ بنادیا۔ جمعرات کو بھی ملک کی کرنسی مارکیٹ میں روپے کے مقابلے میں ڈالر کی قدر میں اضافے کا سلسلہ جاری ہے۔ کاروباری لین دین کے دوران انٹر بینگ میں ڈالر مزید 3 روپے 17 پیسے بڑھ کر 272 روپے کی ریکارڈ سطح پر پہنچ گیا۔ موجودہ حکومت کے 10 ماہ میں ڈالر کے مقابلے میں روپے کی قدر 49 فیصد گرچکی ہے اور ڈالر 90 روپے مہنگا ہوچکا ہے۔
