چین میں پائے جانیوالے کورونا کے نئے ویرینٹ کی پاکستان میں تصدیق

چین میں پائے جانے والے کورونا کے نئے ایکس ایکس بی ویرینٹ کی پاکستان میں تصدیق ہوگئی۔ قومی ادارہ برائےصحت اور آغاخان یونیورسٹی کےماہرین نےایکس بی بی ویرینٹ کی تصدیق کی ہے۔ این آئی ایچ اور آغا خان یونیورسٹی حکام کے مطابق جینوم سیکونسنگ سےایکس بی بی ویرینٹ کی تصدیق کی گئی ہے، ابھی تک پاکستان میں بی ایف7 ویرینٹ کی تصدیق نہیں ہوئی جو تیزی سے پھیلتا ہے۔ ماہرین صحت کے مطابق پاکستان کو دونوں نئے ویرینٹس سے کوئی بڑا خطرہ نہیں ہے۔ یہاں قوت مدافعت بہت بہتر ہے۔ پاکستان میں آج بھی 15 کورونا کیسز کی تصدیق ہوئی ہے اور مثبت شرح صرف اعشاریہ 40 فیصد تھی۔