پاکستان کی آبادی میں بہت تیزی سے اضافہ ہوا ہے اور یہ 1970کی 59 ملین سطح سے بڑھ کر 2021میں 231ملین (23 کروڑ 10لاکھ ) تک پہنچ گئی ہے۔ اسٹیٹ بینک پوڈ کاسٹ سیریز کی تازہ ترین قسط میں شعبہ معاشی پالیسی جائزہ کے تین افسران نے پاکستان میں آبادی کے مواقع کے امکانات پر بات چیت کی اوربتایا کہ پاکستان کی آبادی میں بہت تیزی سے اضافہ ہوا ہے، پاکستان کی آبادی کی اکثریت نوجوانوں پر مشتمل ہے ایسے افراد جن کی عمریں 30 برس سے کم ہیں۔ کام کرنے والوں کی تعداد زیر کفالت افراد سے زیادہ ہوگئی۔ ملکی آبادی کی عمر کی تقسیم آبادی کے مواقع کی فراہمی کے حوالے سے خوش آئند ہے کیونکہ یہ ایسی مدت ہوتی ہے جس میں کام کرنے والی آبادی زیر کفالت افراد کی آبادی سے بڑھ جاتی ہے۔
