پانی نہیں ہوگا تو کیا کریں گے؟ واپڈا حکام نے خطرے کی گھنٹی بجادی

پاکستان پانی کی شدید قلت سے دوچارہے اور پاکستان میں پانی کی فی کس دستیابی 908کیوبک میٹر سالانہ کی تشویشناک سطح تک گر چکی ہے۔ یہ مقدار بہت کم ہے خاص طور پر اگر اس کا موازنہ 1951 سے کیا جائے۔

انیس سو اکیاون 1951 میں پانی کی فی کس دستیابی 5ہزار650 کیوبک میٹر سالانہ تھی۔ واپڈا حکام نے بتایا کہ پاکستان اپنے دریاؤں میں آنے والے سالانہ پانی کا صرف 10 فی صد ذخیرہ کر سکتا ہے جبکہ دنیا میں پانی ذخیرہ کرنے کی اوسط صلاحیت 40فیصد ہے۔ حکام کے مطابق پاکستان میں ذخیرہ شدہ پانی کی مقدار سے ملک کی صرف 30 دن کی ضروریات پوری کی جاسکتی ہیں جبکہ اس کے مقابلے میں بھارت اپنے ذخیرہ کیے گئے پانی سے 170 دن، مصر 700 دن اور امریکا 900 دن کی ضروریات پوری کر سکتا ہے۔