نیوزی لینڈ کیخلاف ہوم ٹیسٹ سیریز کیخلاف کیلئے16 رکنی پاکستانی اسکواڈ کا اعلان کردیا گیا۔ فاسٹ بولر حسن علی کی اسکواڈ میں واپسی ہوئی ہے جبکہ بیٹر کامران غلام کو بھی ٹیسٹ اسکواڈ میں شامل کرلیا گیا ہے۔ پاکستان کرکٹ بورڈ کے مطابق محمد علی اور فہیم اشرف کو ڈراپ کردیا گیا۔ حارث رؤف بھی انجری سے مکمل نجات حاصل نہیں کرسکے لہٰذا انہیں بھی شامل نہیں کیا گیا۔ انجری کے باعث انگلینڈ کیخلاف ملتان اور کراچی ٹیسٹ نہ کھیلنے والے فاسٹ بولر نسیم شاہ کی بھی ٹیسٹ اسکواڈ میں واپسی ہوئی ہے۔ اسکواڈ میں کپتان بابر اعظم، عبداللہ شفیق، ابرار احمد ، حسن علی، امام الحق، کامران غلام، محمد نواز، محمد رضوان، محمد وسیم جونیئر ، نسیم شاہ، نعمان علی، سرفراز احمد ، سلمان آغا، سعود شکیل، شان مسعود اور زاہد محمود شامل ہیں۔ پاکستان اور نیوزی لینڈ کے درمیان سیریز کا پہلا ٹیسٹ 26 دسمبر سے کراچی جبکہ دوسرا تین جنوری سے ملتان میں ہوگا۔
