نیوزی لینڈ کیخلاف ون ڈے سیریز کیلئے پاکستان کے 21 ممکنہ کھلاڑیوں کے ناموں کا اعلان کردیا گیا۔ اوپننگ بیٹر شرجیل خان اور شان مسعود کا نام بھی ابتدائی اسکواڈ میں شامل ہے۔ ابرار احمد، عامر جمال، احسان اللہ، کامران غلام، قاسم اکرم اور طیب طاہر کو پہلی بار ممکنہ کھلاڑیوں میں شامل کیا گیا ہے۔ نیدرلینڈز کیخلاف ون ڈے سیریز کھیلنے والے فخر زمان، خوشدل شاہ ، شاہین آفریدی (انجری) اور زاہد محمود ممکنہ کھلاڑیوں میں شامل نہیں ہیں۔ اسکواڈ میں بابر اعظم ، عبداللہ شفیق ، حارث رؤف، حسن علی، امام الحق، محمد حارث ، محمد نواز، محمد وسیم جونیئر، نسیم شاہ، سلمان علی آغا، شاداب خان اور شاہنواز دھانی بھی شامل ہیں۔ عبوری سلیکشن کمیٹی 16 رکنی اسکواڈ کا اعلان پاکستان کپ کے اختتام پر دوسرے ٹیسٹ کے دوران کرے گی۔پاکستان اور نیوزی لینڈ کے درمیان 3 ون ڈے میچز 9, 11 اور 13 جنوری کو کراچی میں کھیلے جائیں گے۔
