“میں نیچے آیا کیونکہ میں نے سنا تھا کہ یہاں چاکلیٹ چپ آئس کریم ہوگی۔ ”
امریکی صدر جو بائیڈن نے نیش وِل کے ایک ایلیمنٹری اسکول میں فائرنگ سے چھ افراد کی ہلاکت کے بعد پہلے خطاب میں آئس کریم سے اپنی محبت کا اظہار کیا۔
صدر بائیڈن نے کہا کہ وہ صرف وائٹ ہاؤس کے ایک پروگرام میں آئے کیونکہ انہوں نے سنا تھا کہ وہاں آئس کریم ہوگی –
میرا نام جو بائیڈن ہے۔ میں ڈاکٹر جِل بائیڈن کا شوہر ہوں، اور میں جینی کی چاکلیٹ چپ آئس کریم کھاتا ہوں۔ میں نیچے آیا کیونکہ میں نے سنا تھا کہ یہاں چاکلیٹ چپ آئس کریم ہے، ویسے، میرے پاس اوپر ایک پورا ریفریجریٹر ہے۔
اس کے بعد صدر کووننٹ اسکول میں ہونے والی فائرنگ سے خطاب کرنے کے لیے سنجیدہ ہوگئے، جس میں تین طلبہ اور عملے کے تین ارکان مارے گئے، اسے “بیمار” اور “ایک خاندان کا بدترین خواب قرار دیا۔ امریکی صدر کے بے موقع مذاق کو بین الاقوامی میڈیا نے بھی ہیڈ لائنز میں جگہ دی۔
