اقوام متحدہ کے مطابق 15 نومبر کو دنیا کی آبادی نے 8 ارب کے سنگ میل کو عبور کرلیا ہے۔
اقوام متحدہ کی جانب سے اس حوالے سے ویب سائٹ پر ایک کاؤنٹ ڈاؤن لگایا گیا تھا جس میں اس لمحے کا تعین کیا گیا تھا جب دنیا کی آبادی 8 ارب کے ہندسے تک پہنچ جاتی۔
دنیا کا 8 ارب واں بچہ کہاں پیدا ہوا؟ اس کا درست جواب دینا تو بہت مشکل ہے کیونکہ ابھی اس حوالے سے ڈیٹا اکٹھا ہونا باقی ہے۔
مگر دارالحکومت منیلا کے ضلع ٹونڈو میں ایک بچی کی پیدائش پر فلپائنی میڈیا نے اسے علامتی طور پر 8 ارب واں بچہ قرار دیا۔
اس بچی کی پیدائش منگل کو مقامی وقت کے مطابق رات ایک بج کر 29 منٹ پر ہوئی۔
فلپائن کے سب سے بڑے انگریزی اخبار فلپائن اسٹار نے اس حوالے سے ٹوئٹ بھی کی۔
Let's all welcome Baby Vinice, the newborn symbolizing the 8 billionth person in the world ❤️ | via @philstarlifehttps://t.co/GHwGSVoYvF
— The Philippine Star (@PhilippineStar) November 15, 2022
