بیرون ملک سے آنے والے افراد کے لیے قرنطینہ کی پابندی ختم ، چین کا اعلان

چین کے نیشنل ہیلتھ کمیشن کے مطابق بیرون ملک سے آنے والوں کے لیے لازمی قرنطینہ کی پابندی 8 جنوری سے ختم ہو جائے گی۔

کچھ ماہ پہلے بیرون ملک مسافروں کے لیے قرنطینہ کی مدت تین ہفتے سے کم کر کے ایک ہفتہ اور پچھلے ماہ یہ مدت پانچ روز کر دی گئی تھی۔

چین میں بیرون ملک کے مسافروں کے لیے لازمی قرنطینہ کی پابندی مارچ 2020 میں عائد کی گئی تھی۔