بلدیاتی الیکشن کے پُر امن انعقاد کے لیے حفاظتی اقدامات کو حتمی شکل دے دی گئی

پاکستان رینجرز (سندھ) کا پولیس کے ساتھ کراچی اور حیدر آباد کے مختلف علاقوں میں فلیگ مارچ۔ فلیگ مارچ کراچی کے علاقے حب ریور روڈ، بلدیہ، گولیمار چورنگی،ڈسکو موڑ، ناگن چورنگی، سخی حسن چورنگی، ملیر ماڈل کالونی، گڈاپ روڈ، یونیورسٹی روڈ،نیپا چورنگی، حسن اسکوائر، الآصف اسکوائر، سہراب گوٹھ، بلاول چورنگی، بوٹ بیسن چورنگی،ڈیفنس، کلفٹن، شاہین کمپلیکس چورنگی،ضیاء الدین احمد روڈ،آئی آئی چندریگر روڈ، چاکیواڑہ روڈ، ایم اے جناح روڈ،طارق روڈ، شاہراہ فیصل اور ملحقہ علاقوں میں کیا گیا جبکہ حیدر آباد کے علاقے فتح چوک، قاسم آباد، ٹھنڈی سڑک، لطیف آباد، آٹو بھان روڈ، حیدر چوک، پکا قلعہ، پھلیلی، برنس روڈ، ہالہ ناکہ، قاسم چوک، رانی باغ، صدر پریس کلب شامل ہیں۔
جبکہ دوسری جانب الیکشن کے دوران لاء اینڈ آرڈر کو موثر رکھنے کے لیے رینجرز اور پولیس کی جانب سے مختلف علاقوں میں سرچ اور کومبنگ آپریشن کیے گئے جس میں متعدد جرائم پیشہ افراد کو گرفتار کر کے اُن کے قبضے سے اسلحہ اور ایمونیشن بھی برآمد کر لیا گیا۔
دورانِ الیکشن کراچی اور حیدر آباد کے 500 حساس پولنگ اسٹیشن میں رینجرز اہلکار تعینات ہونگے