جیو انٹرٹینمنٹ کا ڈرامہ سیریل دراڑ اپنے منفرد موضوع کی وجہ سے ناظرین میں پسند کیا جارہا ہے۔ ڈرامے کا مرکزی کردار ادا کرنے والی امر خان نے اپنے فینز کے ساتھ ایک لائیو چٹ چیٹ سیشن کیا ،اور ان کے مداحوں نے بڑے جوش و خروش سے سیشن کو جوائن کیا۔ اس سے اندازہ لگایا جاسکتا ہے کہ امر خان کے فینز ہر عمر اور ہر طبقے سے تعلق رکھتے ہیں۔ نہ صرف پاکستان بلکہ پاکستان سے باہر رہنے والے مداحوں نے بھی امر خان کے لیے نیک خواہشات کا اظہار کیا۔ امرخان بھی خوش اخلاقی سے مداحوں کے سوالوں کا جواب دیتی رہیں۔ مختصر یہ کہ ویک اینڈ کا یہ سیشن ہنسی ،قہقہے اور مسکراہٹیں بکھیر گیا۔
