افغانستان کا ٹی ٹوئنٹی ورلڈ کپ میں سفر تمام ، سری لنکا سے شکست کے بعد ورلڈ کپ سے باہر ہوگیا

آئی سی سی ٹی ٹوئنٹی ورلڈ کپ کے اہم میچ میں سری لنکا نے افغانستان کو 6 وکٹوں سے شکست دے کر ٹورنامنٹ سے باہر کردیا۔
برسبین میں ہونے والے میچ میں افغانستان نے ٹاس جیت کر سری لنکا کو پہلے فیلڈنگ کی دعوت دی۔ افغانستان نے مقررہ 20 اوورز میں 8 وکٹوں کے نقصان پر 144 رنز اسکور کیے۔

سری لنکا نے145 رنز کا ہدف 4 وکٹوں کے نقصان پر 19ویں اوور کی تیسری گیند پر حاصل کرلیا،دھنن جیا دی سلوا نے 66 رنز کی شاندار اننگز کھیلی۔
افغانستان کی جانب سے بیٹر رحمٰن اللّٰہ گرباز نے 28 اور عثمان غنی نے 27 رنز کی اننگز کھیلی۔

سری لنکا کی طرف سے اسپنر ونندو ہسارنگا نے 3 کھلاڑیوں کو آؤٹ کیا۔