اسلام آباد ہائی کورٹ میں آئندہ ہفتے میں کیسوں کی سماعت کے لیے ججز کا ڈیوٹی روسٹر جاری

ڈیوٹی روسٹر 15 اگست سے 19 اگست تک کے لیے جاری کیا گیا ہے۔ آئندہ ہفتے کیسوں کی سماعت کے لیے 6 سنگل اور 3 ڈویژن بینچ دستیاب ہونگے۔ قائم مقام چیف جسٹس عامر فاروق ، جسٹس میاں گل حسن اورنگزیب کیسوں کی سماعت کریں گے۔ جسٹس طارق محمود جہانگیری اور جسٹس بابر ستار بھی کیسوں کی سماعت کریں گے۔ جسٹس ثمن رفعت امتیاز بھی سنگل بینچ کے لیے دستیاب ہوں گی۔ جسٹس ارباب طاہر آئندہ ہفتے رخصت پر ہونگے۔ چیف جسٹس اطہر من اللہ ، جسٹس محسن اختر کیانی پہلے ہی رخصت پر ہیں۔ قائم مقام چیف جسٹس کی ہدایت پر لارجر بینچ اور خصوصی بینچ بھی سماعت کے لیے دستیاب ہوگا۔