اسرائیل نے دنیا کے سب سے پرانے قیدی کو رہا کردیا

مقبوضہ بیت المقدس پر قابض اسرائیلی حکومت نے دنیا کے سب سے پرانے قیدی کو رہا کردیا۔ غیر ملکی میڈیا کے مطابق اسرائیلی حکام نے 66 سالہ کریم یونس کو تل ابیب کے شمال میں واقع جیل سے رہا کیا۔ کریم 40 سال اسرائیلی جیل میں قید رہے۔ کریم یونس کو مقبوضہ گولان ہائٹس پر اسرائیلی فوجی کو قتل کرنے کے الزام میں 1983 میں گرفتار کیا گیا تھا۔ کریم یونس کی رہائی کے موقع پر عوام اور ان کے دوستوں کی بڑی تعداد جیل کے باہر موجود تھی۔ رہائی کے بعد عرب میڈیا سے گفتگو میں کریم یونس نے کہا کہ مجھے آزاد کردیا گیا لیکن میں اپنے پیچھے دیگر قیدیوں کو چھوڑ آیا ہوں۔ امید ہےکہ ہم جلد ان تمام قیدیوں کی رہائی کی بھی خوشی منائیں گے۔