ذرائع کے مطابق فیڈرل بورڈ آف ریونیو نے نئے قرض پروگرام کے لیے ریونیو پلان تیار کر لیا اور جون میں نئے بجٹ کے ساتھ اہم ترین ٹیکس اقدامات کی تیاریاں شروع کردیں۔
ذرائع نے بتایاکہ جون میں فنانس بل کے ذریعے9 لاکھ دکانداروں کوفکس ٹیکس میں لانےکی پلاننگ کرلی گئی ہے اور پہلےمرحلےمیں اسلام آباد، چاروں صوبائی دارالحکومت کےدکانداروں کواسکیم دی جائےگی۔ ذرائع کا کہنا ہے کہ بینظیر انکم سپوٹ پروگرام کے اخراجات کےلیے بھی نیا طریقہ بنایا جائے گا، بے نظیر انکم سپورٹ کے اخراجات وفاق اور صوبے مل کر برداشت کریں گے۔ ذرائع کا کہنا ہے کہ آئندہ بجٹ میں صوبوں سےمل کررئیل اسٹیٹ،زراعت کوٹیکس نیٹ میں لانےکےاقدامات ہونگے۔ جب کہ موسمیاتی تبدیلیوں سے نقصانات کے بعد بحالی اخراجات کی بھی نئی حکمت عملی تیارہوگی، سیلاب سے متاثرہ اضلاع کی تعمیر نو وفاق اور صوبے مل کر کریں گے۔
آئی ایم ایف سے حالیہ مذاکرات میں پاکستان کی طرف سے چار سال کیلئے 7 سے 8 ارب ڈالر کا قرض لینے کی خواہش کا اظہار کیا گیا ہے۔
