متحدہ قومی موومنٹ پاکستان نے کراچی اور حیدرآباد میں جاری بلدیاتی انتخابات کا بائیکاٹ کردیا۔ کراچی میں میڈیا سےگفتگو میں ایم کیو ایم کے کنوینر خالد مقبول صدیقی کا کہنا تھا کہ بلدیاتی انتخاب میں پہلے سے دھاندلی ہوچکی ہے۔ الیکشن کوتسلیم کرنے سےانکار کرتےہیں۔ خالد مقبول صدیقی کے مطابق الیکشن کمیشن کی پہلی ذمہ داری حلقہ بندیاں ہیں، الیکشن کمیشن کو اُن کی کوتاہی پرتوجہ دلائی تو انہوں نےتوجہ نہیں دی۔ آج 15 جنوری تک انصاف کی کوشش کرتے رہے۔ صوبائی حکومت نےبھی الیکشن کمیشن کو حلقہ بندیوں پر توجہ دلائی۔
انہوں نے کہا کہ کراچی اور حیدرآباد کے ووٹ کے احترام کے لیےکوششیں کامیاب ہوتی نظر نہیں آرہی۔ ہماری کوششیں میئرکے لیے نہیں شہر کی صحیح نمائندگی کےلیےتھیں۔ انہوں نے عوام سے اپیل کی گھرپربیٹھ کر ہمارے ساتھ احتجاج میں شامل ہوں۔ آج کے الیکشن کے ثمرات عوام تک پہنچنا ہی نہیں ہیں۔ ایم کیو ایم پاکستان نے حلقہ بندیوں پر اعتراض کرتے ہوئے اعلان کیا تھا کہ 15 جنوری کو بلدیاتی انتخابات نہیں ہونے دیں گے، اگر انتخابات ہوئے تو انہیں تسلیم نہیں کیا جائے گا۔
