ڈبلیو بی او یوتھ ورلڈ چیمپئن عثمان وزیر نے اپنی 10 ویں انٹر نیشنل فائٹ کا اعلان کر دیا. عثمان وزیر 4 فروری کو دبئی میں اپنے ورلڈ ٹائٹل کا دفاع کریں گے. عثمان وزیر کا مقابلہ تھائی لینڈ کے باکسر کرونگ کلنگ سے ہوگا. وہ اس سے قبل بھی تھائی حریف سے فائٹ کر چکے ہیں۔ ایشین ٹائٹل باوٹ میں تھائی باکسر عثمان وزیر کے خلاف تیسرے راونڈ میں انجری کا شکار ہو گئے تھے۔ اس بار تھائی لینڈ کے باکسر کرونگ کلنگ نے عثمان وزیر کو چیلنج کیا ہے۔ پاکستانی باکسر نے اپنی یوتھ ورلڈ ٹائٹل فائٹ کی تیاری شروع کر دی۔ عثمان وزیر کا کہنا ہے کہ پوری کوشش ہوگی کہ ٹائٹل کا دفاع کریں تاکہ ورلڈ ٹائٹل پاکستان کے پاس ہی رہے۔
