ٹی ٹوئنٹی ورلڈکپ : فائنل کا ٹاس مقررہ وقت سے پہلے ہوگا

ٹی ٹوئنٹی ورلڈ کپ کا فائنل پاکستان اور انگلینڈ کی ٹیموں کے درمیان کل میلبرن کرکٹ گراؤنڈ میں کھیلا جائے گا۔

آسٹریلیا کے محکمہ موسمیات نے اتوار اور پیر کو بارش کی پیشگوئی بھی کی ہے جس سے ٹی ٹوئنٹی ورلڈکپ کا فائنل متاثر ہونے کا بھی خدشہ ہے۔

آئی سی سی نے پاکستان اور انگلینڈ کا فائنل نتیجہ خیز بنانے کے لیے قوانین میں تبدیلی کی ہے اور میچ بارش سے متاثر ہونے کی صورت میں ریزرو ڈے پر اضافی وقت کا دورانیہ 2 گھنٹے سے بڑھا کر 4 گھنٹے کر دیا گیا ہے۔

ٹی ٹوئنٹی ورلڈ کپ کے فائنل میچ کا ٹاس مقررہ وقت سے 8 منٹ قبل ہونے کی اطلاع ہے۔

ٹاس کے بعد میوزیکل پروگرام ہوگا جس میں مقامی گلوکار اپنے فن کا مظاہرہ کریں گے جبکہ فائنل میچ کے اختتام پر آتشبازی کا مظاہرہ کیا جائے گا۔