ٹوئٹر پر بلیو ٹک چاہیے؟ تو فیس دینا ہوگی ، ایلون مسک کا نیا اقدام

میڈیا رپورٹس کے مطابق ٹوئٹر کے ویری فائیڈ یعنی بلیو ٹک رکھنے والے صارفین کو اب اس مد میں فیس ادا کرنا ہوگی۔

ایلون مسک نے اپنی ٹوئٹ میں لکھا کہ ٹوئٹر ویری فکیشن کے پورے عمل میں فوری طور پر تبدیلیاں کی جارہی ہیں۔

انہوں نے اس حوالے سے مزید تفصیلات نہیں بتائیں تاہم کچھ میڈیا رپورٹس میں بتایا گیا ہےکہ ٹوئٹر پر بلیو ٹک رکھنے والے صارفین سے اس مد میں فیس وصول کی جائے گی۔

رپورٹ میں کہا گیا ہےکہ صارفین کو ٹوئٹر بلیو کو سبسکرائب کرنا ہوگا جس کے لیے 20 ڈالر ماہانہ ادا کرنا ہوں گے۔

رپورٹس کے مطابق ایلون مسک نے اس حوالے سے ابھی حتمی فیصلہ نہیں کیا تاہم بلیو ٹک رکھنے والے اکاؤنٹس کی ویری فکیشن اب ٹوئٹر کا حصہ ہوگی۔