نصرت فتح علی خان دنیا کے عظیم موسیقاروں کی فہرست میں شامل ہوگئے۔ امریکی جریدے رولنگ اسٹون نے دنیا کے عظیم گلوکاروں اور موسیقاروں کی فہرست جاری کی ہے جس میں نصرت فتح علی خان بھی شامل ہیں۔ نصرت فتح علی خان کو مداحوں سے بچھڑے 25 برس سے زائد ہوگئے لیکن آج بھی ان کی ترتیب دی ہوئی موسیقی اور گائی ہوئی قوالیاں ہر عمر کے لوگوں میں یکساں مقبول ہیں۔ امریکی جریدے نےعظیم ترین موسیقاروں کی فہرست میں استاد نصرت فتح علی خان کے تعارف میں انہیں ”شہنشاہ قوالی“ قرار دیا اور لکھا ہے کہ انہوں نے اپنی گائیکی سے پوری دنیا میں لوگوں کے دلوں میں گھرکیا۔ رولنگ اسٹون کی فہرست میں بھارت کی معروف آنجہانی گلوکارہ لتا منگیشکرکا نام بھی شامل ہے۔
