لائنل میسی کا مشن پورا ہوا۔ ارجنٹینا تیسری بار فٹبال عالمی چیمپین بن گیا۔ قطر میں فٹبال ورلڈکپ 2022 کے فائنل میں ارجنٹینا نے فرانس کو شکست دے کر یورپ کی 16 سالہ اجارہ داری خاتمہ کردیا۔ ڈرامائی فائنل کا فیصلہ پینالٹیز پر ہوا کس میں ارجنٹینا نے 2-4 سے کامیابی حاصل کی۔ لوسیل اسٹیڈیم میں کھیلے گئے فائنل کے پہلے ہاف میں ہی ارجنٹینا نے فرانس کے خلاف 0-2 کی برتری حاصل کرلی تھی۔ پہلا گول میسی نے 23 ویں منٹ میں پینالٹی پرکیا جبکہ دوسرا گول ڈی ماریہ نے 36 ویں منٹ میں کیا۔ دوسرے ہاف میں فرانس کے ایمباپے نے 2 منٹ میں دو گول کرکے میچ میں ارجنٹینا کی برتری ختم کردی۔ مقررہ وقت تک مقابلہ 2-2 گول سے برابر رہا ۔ اضافی وقت میں میسی نے اپنا دوسرا اور ٹیم کا تیسرا گول کرکے ارجنٹینا کو 2-3 کی برتری دلادی لیکن پھر ایمباپےپینالٹی پر تیسرا گول کرکے ہیٹ ٹرک کرتے ہوئے ارجنٹینا کی برتری ختم کردی۔ اضافی وقت میں بھی میچ 3-3 سے برابر رہا۔ ورلڈ چیمپئن کا فیصلہ پینالٹیز پر ہوا۔ ارجنٹینا نے 4 جبکہ فرانس نے 2گول کیے۔،لائنل میسی نے اپنے آخری ورلڈکپ کو یادگار بناتے ہوئے اپنا خواب پورا کیا اور ورلڈکپ ٹرافی تھام لی۔
ارجنٹینا 1978 اور 1986 میں بھی ورلڈکپ اپنے نام کرچکا ہے۔
