مسلسل کرکٹ کھیلنے کی وجہ سے انجریزہورہی ہیں، بابراعظم

پاکستان کرکٹ ٹیم کے کپتان بابراعظم کا کہنا ہے کہ انگلینڈ کے خلاف کراچی ٹیسٹ میں کامیابی سمیٹنے کی بھرپور کوشش کریں گے۔ نیشنل اسٹیڈیم کراچی میں پریس کانفرنس کرتے ہوئے کپتان بابراعظم نے کہا کہ فائنل الیون کے حوالے سے آج رات فیصلہ کریں گے۔ نیشنل اسٹیڈیم کی پچ اسپنرز کے لیے سازگار ہے۔ اپنی غلطیوں سے اجتناب برتنے کی کوشش کریں گے۔ انہوں نے کہا کہ امام الحق ہیمسٹرنگ انجری کے باعث کراچی ٹیسٹ میں شرکت نہیں کریں گے۔ کپتان نے کہا کہ کھلاڑی مسلسل کرکٹ کھیل رہے ہیں جس کی وجہ سے انجریر ہورہی ہیں۔ پلیئرزکو آرام نہیں مل رہا۔ قومی کرکٹ ٹیم کے کپتان نے اظہر علی کے حوالے سے گفتگو کرتے ہوئے کہا کہ اظہر علی ہمارے لیے ایک مثال رہے ہیں۔ انہوں نے کیریئر میں کئی یادگار اننگز کھیلیں۔ ان کے تجربے سے فائدہ اٹھانے کی کوشش کرتے ہیں۔ بابراعظم نے مزید کہا کہ ٹیسٹ کرکٹ کو سیشن ٹو سیشن لے کر چلنا پڑتا ہے۔ ہم طویل فارمیٹ میں مشکلات کا شکار ہیں۔ مسلسل انجریز کی وجہ سے ہم کمبینیشن نہیں بناپا رہے۔ گزشتہ دونوں ٹیسٹ ہاتھ میں تھے لیکن اس کے باوجود شکست ہوئی۔