فیفا نے فٹبال ورلڈ کپ 2022 میں اسکور کئے گئے بہترین گول کا اعلان کردیا۔ فیفا کی جانب سے ’’گول آف دی ٹورنامنٹ‘‘ کیلئے ووٹنگ میں 10 گول شامل کئے گئے۔ لیکن شائقین کو سب سے زیادہ برازیل کے ریچارلیسن کا بائی سائیکل کک پرکیا گیا گول پسند آیا۔ فیفا نے برازیل کے فارورڈ ریچالسین کے گول کو بہترین قرار دے دیا۔
برازیل نے قطر فٹبال ورلڈ کپ مہم کا آغاز سربیا کے خلاف میچ سے کیا اور کھیل کے 73ویں منٹ میں ونشیس جونیئر کے پاس پرریچارلیسن نے بائی سائیکل کک مار کر گیند کو جال میں پہنچایا۔ ہاٹ فیورٹ برازیل ورلڈ کپ تو نہ جیت سکی لیکن اس گول کا سحر ٹورنامنٹ کے ختم ہونے کے بعد بھی شائقین پر طاری رہا۔
