کیلی فورنیا کے گودام میں 1990 کی دہائی کے آثار، جدید دور میں بھی فلاپی ڈسک کا کاروبار
دو دہائیاں گزر چکیں، لیکن 1990 کی دہائی میں ڈیٹا کو ذخیرہ کرنے کے لیے استعمال ہونے والی مشہور 3.5 انچ فلاپی ڈسک کے ایک بڑے سپلائر کا کہنا ہے کہ کاروبار اب بھی عروج پر ہے۔
ٹام پرسکی، فلاپی ڈسک ویب سائٹ چلاتے ہیں۔ یہ کیلیفورنیا میں قائم ایک آن لائن ڈسک ری سائیکلنگ سروس ہے جو نئی اور استعمال شدہ ڈسکیں لیتی ہے – ان کا کہنا ہے کہ وہ روزانہ تقریباً 500 ڈسک فروخت کرتے ہیں ۔
اس دور میں فلاپی ڈسک کون خریدتا ہے جب CD-ROMS، DVDs اور USB فلیش ڈرائیوز جیسے جدید ترین اسٹوریج ڈیوائسز انٹرنیٹ اور کلاؤڈ سٹوریج کی وجہ سے تیزی سے ختم ہو چکے ہیں؟ پرسکی کا کہنا ہے کہ وہ لوگ جو کڑھائی، ٹول اینڈ ڈائی، اور ایئر لائن انڈسٹری میں ہیں، خاص طور پر ہوائی جہاز کی دیکھ بھال میں شامل ہیں۔ اگر آپ نے 20 یا 30 یا اس سے بھی 40 سال پہلے ایک ہوائی جہاز بنایا تھا، تو آپ اس ہوائی جہاز کے کچھ ایونکس کے اندر اور باہر معلومات حاصل کرنے کے لیے فلاپی ڈسک کا استعمال کریں گے۔”
پرسکی کے گودام میں شیلف سبز، نارنجی، نیلے، پیلے یا سیاہ ڈسکوں سے بھری ہوئی ہیں جو دنیا بھر سے بھیجی گئی ہیں۔ ایک سرے پر کنویئر بیلٹ کے ساتھ ایک بڑی مقناطیسی مشین ڈسکوں پر موجود معلومات کو مٹا دیتی ہے، جبکہ دوسری مشین ان پر لیبل لگاتی ہے۔
جدید دنیا میں اتنی ٹیکنالوجی ہونے کے باوجود پرسکی کا کہنا ہے کہ فلاپی ڈسکوں میں بہت سی خصوصیات ہیں۔ وہ کہتے ہیں کہ “فلاپی ڈسک بہت قابل اعتماد، بہت مستحکم اور ایک مشین کے اندر اور باہر معلومات حاصل کرنے کا بہت آسان طریقہ ہے۔ اس کے علاوہ فلاپی ڈسک میں ہیک ہونےکے امکانات بھی بہت کم ہیں۔
پرسکی نے 1990 کی دہائی میں ایک ٹیکس کمپنی کے لیے سافٹ ویئر ڈویلپمنٹ میں کام کرنے کے بعد فلاپی ڈسک کا کاروبار شروع کیا ۔ ان کا کہنا ہے کہ انہیں اپنے کاروبار سے پیار ہو گیا اور آج فلاپی ڈسک کا استعمال ختم ہونے کے باوجود یہ کاروبار دوبارہ شروع کیا ہے۔ لیکن وہ اس کاروبار کے مزید بیس سال زندہ رہنے کی امید نہیں کر رہے۔
